Koningin Wilhelmina Fonds Aruba

Fundacion pa preveni y combati cancer
KWF ARUBA

Consehonan practico pa ora bo tin falta di apetit



  • Door di cancer y tratamento di cancer bo metabolismo ta cambia. Door di esaki bo por tin falta di apetit, of bo ta sinti stoma yen mas lihe. Tension (stress), miedo of cansancio tambe por causa perdida di apetit. Otro causanan ta molesternan manera biramento di stoma of cambio di bo smaak. Consehonan practico Purba e siguiente consehonan pa bo por sigui come y bebe manera mester: • Scohe pa come porcionnan mas chikito cu mas frecuencia. Por ehempel bo por come un porcion chikito 6-7 biaha pa dia. Tin biaha e pensamento so di mester come un tayo grandi di cuminda por ponebo sinti stress. • Si bo por come solamento un tiki, ta importante pa bo come y bebe alimentonan cu ta contene suficiente energia y proteina. Bon opcionnan ta por ehempel producto di lechi (no descrema, volle melk), keshi, pan of buscuchi cu beleg diki. Tambe bo por añadi azeta di oleifi of manteca den bo cuminda cayente. • Wak bon ki alimento pa bo ta gusta y cua di esakinan ta mas nutritivo. Percura pa bo tin e alimentonan aki den cas. Di e manera aki ora bo tin apetit bo por scohe facilmente kico pa come. • Tin biaha ta mas facil pa bebe cu come. Bo por scohe pa bebe een batido cu fruta, yoghurt, avena of hasta pindakaas. • Ora bo ta come, purba di no bebe door cu esaki ta ponebo sinti barica yen lihe. Wak pa bo bebe suficiente si durante resto di dia. • Purba di ta relaha ora bo ta come. Por ehempel descansa un rato prome cu bo come, of bay pafo un rato. Por ta bo ta sintibo miho ora di come un caminda cu ta keto sin distraccion. • Tambe por ta asina cu bo ta prefera distraccion durante comemento, por ehempel scucha muziek, wak television of combersa. Wak kico ta traha miho pabo. • Haci bo cuminda luci mas atractivo. Purba di combina berdura di diferente color. • Sinta stret ora di come y bebe. Di e manera aki bo cuminda lo baha miho. Esaki ta yudabo pa no sinti stoma yen lihe. Si e consehonan aki no ta yuda, of bo ta preocupa cu bo no ta come bon, of bo ta perdiendo peso di manera indesea, pidi bo dokter pa e verwijs bo pa consulta un dietista specialisa den cancer. Fuente: Voedingenkankerinfo.nl, Wereld Kanker Onderzoek Fonds.